Narayaneeyam: Dashakam 38

नारायणीयम् · दशक 38

Stotra · Sanskrit · Krishna · by Melpathur Narayana Bhattathiri

1. आनन्दरूप भगवन्नयि तेऽवतारे प्राप्ते प्रदीप्तभवदङ्ग निरीयमाणैः।
   कान्तिव्रजैरिव घनाघनमण्डलैर्द्यामावृण्वती विरुरुचे किल वर्षवेला॥

   Anandarupa bhagavannayi tevatare prapte pradiptabhavadanga niriyamanaih, kantivrajairiva ghanaghanamandalairdyamavrinvati viruruche kila varshavela.

   O Lord whose form is bliss, when the time of your incarnation came, the rainy season shone, covering the sky with masses of clouds, as if with streams of radiance flowing from your shining body.

   हे आनंद स्वरूप भगवान, जब आपके अवतार का समय आया, तब वर्षा ऋतु बादलों के समूहों से आकाश को ढककर ऐसे शोभित हुई, मानो आपके चमकते अंगों से निकलती कांति की धाराएँ हों।

2. आशासु शीतलतरासु पयोदतोयैराशासिताप्तिविवशेषु च सज्जनेषु।
   नैशाकरोदयविधौ निशि मध्यमायां क्लेशापहस्त्रिजगतां त्वमिहाऽविरासीः॥

   Ashasu shitalatarasu payodatoyairashasitaptivivasheshu cha sajjaneshu, naishakarodayavidhau nishi madhyamayam kleshapahastrijagatam tvamihavirasih.

   When the directions were cooled by rain from the clouds, when good people were longing for their hopes to come true, at midnight as the moon was rising, you who remove the troubles of the three worlds appeared here.

   जब बादलों के जल से दिशाएँ ठंडी हो गई थीं, जब सज्जन अपनी आशाओं के पूरे होने के लिए व्याकुल थे, तब आधी रात को चंद्रमा के उदय के समय तीनों लोकों के कष्ट हरने वाले आप यहाँ प्रकट हुए।

3. बाल्यस्पृशापि वपुषा दधुषा विभूतीरुद्यत्किरीटकटकाङ्गदहारभासा।
   शङ्खारिवारिजगदापरिभासितेन मेघासितेन परिलेसिथ सूतिगेहे॥

   Balyasprishapi vapusha dadhusha vibhutirudyatkiritakatakangadaharabhasa, shankharivarijagadaparibhasitena meghasitena parilesitha sutigehe.

   In a form that, though a child’s, held divine splendour, shining with crown, bracelets, armlets and necklace, radiant with conch, discus, lotus and mace, and dark as a rain cloud, you shone in the birth chamber.

   बालक होकर भी दिव्य ऐश्वर्य धारण करने वाले, मुकुट, कंगन, बाजूबंद और हार की चमक वाले, शंख, चक्र, कमल और गदा से सुशोभित, बादल जैसे श्याम रूप में आप प्रसूति गृह में शोभित हुए।

4. वक्षःस्थलीसुखनिलीनविलासिलक्ष्मीमन्दाक्षलक्षितकटाक्षविमोक्षभेदैः।
   तन्मन्दिरस्य खलकंसकृतामलक्ष्मीमुन्मार्जयन्निव विरेजिथ वासुदेव॥

   Vakshahsthalisukhanilinavilasilakshmimandakshalakshitakatakshavimokshabhedaih, tanmandirasya khalakamsakritamalakshmimunmarjayanniva virejitha vasudeva.

   O Vasudeva, with the shy, varied glances of Lakshmi, who rests happily on your chest, you shone as if wiping away the misfortune that wicked Kamsa had brought upon that house.

   हे वासुदेव, आपके वक्ष पर सुख से विराजती लक्ष्मी की लजीली, तरह-तरह की तिरछी नज़रों से आप ऐसे शोभित हुए, मानो दुष्ट कंस द्वारा उस घर पर लाए दुर्भाग्य को पोंछ रहे हों।

5. शौरिस्तु धीरमुनिमण्डलचेतसोऽपि दूरस्थितं वपुरुदीक्ष्य निजेक्षणाभ्याम्।
   आनन्दबाष्पपुलकोद्गमगद्गदार्द्रस्तुष्टाव दृष्टिमकरन्दरसं भवन्तम्॥

   Shauristu dhiramunimandalachetasopi durasthitam vapurudikshya nijekshanabhyam, anandabashpapulakodgamagadgadardrastushtava drishtimakarandarasam bhavantam.

   Vasudeva, seeing with his own eyes your form, which stays far even from the minds of steadfast sages, choked with tears of joy and thrilling all over, praised you, the nectar of his eyes.

   धीर मुनियों के मन से भी दूर रहने वाले आपके रूप को अपनी आँखों से देखकर वसुदेव आनंद के आँसू, रोमांच और गद्गद भाव से भीग गए और आँखों के अमृत आपकी स्तुति करने लगे।

6. देव प्रसीद परपूरुष तापवल्लीनिर्लूनदात्र समनेत्र कलाविलासिन्।
   खेदानपाकुरु कृपागुरुभिः कटाक्षैरित्यादि तेन मुदितेन चिरं नुतोऽभूः॥

   Deva prasida parapurusha tapavallinirlunadatra samanetra kalavilasin, khedanapakuru kripagurubhih katakshairityadi tena muditena chiram nutobhuh.

   O God, be gracious, Supreme Person, sickle that cuts the creeper of suffering, impartial-eyed, delighting in your play: take away our sorrows with your merciful glances. With such words the joyful Vasudeva praised you for long.

   हे देव, प्रसन्न होइए; हे परम पुरुष, दुखों की बेल काटने वाले हँसिए, सबको समान दृष्टि से देखने वाले, लीला करने वाले, अपनी करुणा भरी दृष्टि से हमारे दुख दूर कीजिए। ऐसे वचनों से प्रसन्न वसुदेव ने बहुत देर तक आपकी स्तुति की।

7. मात्रा च नेत्रसलिलास्तृतगात्रवल्ल्या स्तोत्रैरभिष्टुतगुणः करुणालयस्त्वम्।
   प्राचीनजन्मयुगलं प्रतिबोध्य ताभ्यां मातुर्गिरा दधिथ मानुषबालवेषम्॥

   Matra cha netrasalilastritagatravallya stotrairabhishtutagunah karunalayastvam, prachinajanmayugalam pratibodhya tabhyam maturgira dadhitha manushabalavesham.

   Your mother too, her body bathed in tears, praised your virtues in hymns. Then you, the home of compassion, reminded them both of their two former births, and at your mother’s word took the form of an ordinary human child.

   आँसुओं से भीगे शरीर वाली माता ने भी स्तुतियों से आपके गुण गाए। तब करुणा के धाम आपने दोनों को उनके पिछले दो जन्मों की याद दिलाई और माता के कहने पर साधारण मनुष्य बालक का रूप ले लिया।

8. त्वत्प्रेरितस्तदनु नन्दतनूजया ते व्यत्यासमारचयितुं स हि शूरसूनुः।
   त्वां हस्तयोरधृत चित्तविधार्यमार्यैरम्भोरुहस्थकलहंसकिशोररम्यम्॥

   Tvatpreritastadanu nandatanujaya te vyatyasamarachayitum sa hi shurasunuh, tvam hastayoradhrita chittavidharyamaryairambhoruhasthakalahamsakishoraramyam.

   Then, prompted by you, Vasudeva, son of Shura, took you in his hands to exchange you with Nanda’s daughter: you whom the noble hold in their hearts, lovely as a young swan upon a lotus.

   फिर आपकी प्रेरणा से शूर के पुत्र वसुदेव ने नंद की बेटी से आपकी अदला-बदली करने के लिए आपको हाथों में उठाया: आपको, जिन्हें श्रेष्ठ लोग मन में धारण करते हैं और जो कमल पर बैठे हंस के बच्चे जैसे सुंदर हैं।

9. जाता तदा पशुपसद्मनि योगनिद्रा निद्राविमुद्रितमथाकृत पौरलोकम्।
   त्वत्प्रेरणात्किमिव चित्रमचेतनैर्यद्द्वारैः स्वयं व्यघटि सङ्घटितैस्सुगाढम्॥

   Jata tada pashupasadmani yoganidra nidravimudritamathakrita pauralokam, tvatpreranatkimiva chitramachetanairyaddvaraih svayam vyaghati sanghatitaissugadham.

   At that time Yoganidra was born in the cowherd’s house and put the townspeople into deep sleep. By your will the tightly bolted doors opened by themselves; what wonder is that?

   उसी समय ग्वाले के घर योगनिद्रा का जन्म हुआ और उसने नगर के लोगों को गहरी नींद में सुला दिया। आपकी प्रेरणा से कसकर बंद किए गए निर्जीव दरवाज़े अपने आप खुल गए, इसमें आश्चर्य ही क्या?

10. शेषेण भूरिफणवारितवारिणाऽथ स्वैरं प्रदर्शितपथो मणिदीपितेन।
    त्वां धारयन् स खलु धन्यतमः प्रतस्थे सोऽयं त्वमीश मम नाशय रोगवेगान्॥

    Sheshena bhuriphanavaritavarinatha svairam pradarshitapatho manidipitena, tvam dharayan sa khalu dhanyatamah pratasthe soyam tvamisha mama nashaya rogavegan.

    Then Shesha shielded off the rain with his many hoods and, lighting the way with his jewels, showed the path; carrying you, that most blessed one set out. O Lord, you who are that same child, destroy the force of my illnesses.

    तब शेषनाग ने अपने अनेक फनों से वर्षा रोकी और मणियों की रोशनी से रास्ता दिखाया; आपको लेकर वे परम धन्य वसुदेव चल पड़े। हे ईश, वही आप मेरे रोगों के वेग को नष्ट कीजिए।