Narayaneeyam: Dashakam 91

नारायणीयम् · दशक 91

Stotra · Sanskrit · Krishna · by Melpathur Narayana Bhattathiri

1. श्रीकृष्ण त्वत्पदोपासनमभयतमं बद्धमिथ्यार्थदृष्टेर्मर्त्यस्यार्तस्य मन्ये व्यपसरति भयं येन सर्वात्मनैव।
   यत्तावत्त्वत्प्रणीतानिह भजनविधीनास्थितो मोहमार्गे धावन्नप्यावृताक्षः स्खलति न कुहचिद्देवदेवाखिलात्मन्॥

   Shrikrishna tvatpadopasanamabhayatamam baddhamithyarthadrishtermartyasyartasya manye vyapasarati bhayam yena sarvatmanaiva, yattavattvatpranitaniha bhajanavidhinasthito mohamarge dhavannapyavritakshah skhalati na kuhachiddevadevakhilatman.

   O Shri Krishna, worship of your feet is the surest shelter from fear; I believe it wholly removes the fear of a suffering mortal whose sight is bound to false things. One who follows the ways of worship you have taught, even running with eyes shut on the path of delusion, never stumbles anywhere, O God of gods, Self of all.

   हे श्रीकृष्ण, आपके चरणों की उपासना सबसे बड़ा अभय है; मेरा मानना है कि इससे झूठी चीज़ों में बँधी दृष्टि वाले दुखी मनुष्य का भय पूरी तरह दूर हो जाता है। जो आपकी बताई भजन विधियों पर चलता है, वह मोह के रास्ते पर आँखें बंद करके दौड़ते हुए भी कहीं नहीं गिरता, हे देवों के देव, सबकी आत्मा।

2. भूमन् कायेन वाचा मुहुरपि मनसा त्वद्बलप्रेरितात्मा यद्यत्कुर्वे समस्तं तदिह परतरे त्वय्यसावर्पयामि।
   जात्यापीह श्वपाकस्त्वयि निहितमनः कर्मवागिन्द्रियार्थप्राणो विश्वं पुनीते न तु विमुखमनास्त्वत्पदाद्विप्रवर्यः॥

   Bhuman kayena vacha muhurapi manasa tvadbalapreritatma yadyatkurve samastam tadiha paratare tvayyasavarpayami, jatyapiha shvapakastvayi nihitamanah karmavagindriyarthaprano vishvam punite na tu vimukhamanastvatpadadvipravaryah.

   O infinite one, whatever I do again and again with body, speech and mind, moved by your power, I offer it all to you, the Supreme. Even one born an outcaste whose mind, deeds, speech, senses and life rest in you purifies the world; but not the finest Brahmin whose mind is turned away from your feet.

   हे भूमन, आपकी शक्ति से प्रेरित होकर मैं शरीर, वाणी और मन से जो कुछ करता हूँ, वह सब आप परम को अर्पित करता हूँ। जन्म से चांडाल होकर भी जिसका मन, कर्म, वाणी, इंद्रियाँ और प्राण आपमें लगे हैं, वह संसार को पवित्र करता है; पर आपके चरणों से मुँह मोड़ने वाला श्रेष्ठ ब्राह्मण भी नहीं।

3. भीतिर्नाम द्वितीयाद्भवति ननु मनःकल्पितं च द्वितीयं तेनैक्याभ्यासशीलो हृदयमिह यथाशक्ति बुद्ध्या निरुन्ध्याम्।
   मायाविद्धे तु तस्मिन्पुनरपि न तथा भाति मायाधिनाथं तं त्वां भक्त्या महत्या सततमनुभजन्नीश भीतिं विजह्याम्॥

   Bhitirnama dvitiyadbhavati nanu manahkalpitam cha dvitiyam tenaikyabhyasashilo hridayamiha yathashakti buddhya nirundhyam, mayaviddhe tu tasminpunarapi na tatha bhati mayadhinatham tam tvam bhaktya mahatya satatamanubhajannisha bhitim vijahyam.

   Fear arises from a second, and that second is imagined by the mind; so, practising oneness, I would restrain my heart with my intellect as best I can. But when the mind is pierced by maya, oneness no longer shines; so, worshipping you, the master of maya, always with great devotion, O Lord, may I let go of fear.

   भय दूसरे से होता है, और वह दूसरा मन की कल्पना है; इसलिए एकता का अभ्यास करते हुए मैं यथाशक्ति बुद्धि से अपने मन को रोकूँ। पर जब मन माया से बिंध जाता है, तब एकता वैसी नहीं दिखती; इसलिए हे ईश, माया के स्वामी आपका सदा बड़ी भक्ति से भजन करके मैं भय छोड़ दूँ।

4. भक्तेरुत्पत्तिवृद्धी तव चरणजुषां सङ्गमेनैव पुंसामासाद्ये पुण्यभाजां श्रिय इव जगति श्रीमतां सङ्गमेन।
   तत्सङ्गो देव भूयान्मम खलु सततं तन्मुखादुन्मिषद्भिस्त्वन्माहात्म्यप्रकारैर्भवति च सुदृढा भक्तिरुद्धूतपापा॥

   Bhakterutpattivriddhi tava charanajusham sangamenaiva pumsamasadye punyabhajam shriya iva jagati shrimatam sangamena, tatsango deva bhuyanmama khalu satatam tanmukhadunmishadbhistvanmahatmyaprakarairbhavati cha sudridha bhaktiruddhutapapa.

   Devotion is born and grows only through the company of those who serve your feet, just as in the world the deserving gain wealth through the company of the wealthy. May I always have their company, O Lord, for from their lips flow the stories of your greatness, and from these comes firm devotion that shakes off sin.

   भक्ति का जन्म और बढ़ना आपके चरणों के सेवकों के संग से ही होता है, जैसे संसार में पुण्यवान लोग धनवानों के संग से धन पाते हैं। हे देव, मुझे सदा उनका संग मिले, क्योंकि उनके मुख से आपकी महिमा की कथाएँ निकलती हैं और उनसे पापों को झाड़ देने वाली दृढ़ भक्ति पैदा होती है।

5. श्रेयोमार्गेषु भक्तावधिकबहुमतिर्जन्मकर्माणि भूयो गायन्क्षेमाणि नामान्यपि तदुभयतः प्रद्रुतं प्रद्रुतात्मा।
   उद्यद्धासः कदाचित्कुहचिदपि रुदन्क्वापि गर्जन्प्रगायन्नुन्मादीव प्रनृत्यन्नयि कुरु करुणां लोकबाह्यश्चरेयम्॥

   Shreyomargeshu bhaktavadhikabahumatirjanmakarmani bhuyo gayankshemani namanyapi tadubhayatah pradrutam pradrutatma, udyaddhasah kadachitkuhachidapi rudankvapi garjanpragayannunmadiva pranrityannayi kuru karunam lokabahyashchareyam.

   Valuing devotion above every path to the good, singing again and again your births, deeds and blessed names, my heart melting, sometimes laughing, sometimes weeping, sometimes shouting, singing and dancing like one gone mad: have mercy on me, that I may live beyond the ways of the world.

   कल्याण के सब मार्गों में भक्ति को सबसे ऊँचा मानते हुए, आपके जन्म, कर्म और मंगल नामों को बार-बार गाते हुए, पिघले मन से, कभी हँसते, कभी रोते, कभी गरजते, गाते और पागल की तरह नाचते हुए, मुझ पर कृपा कीजिए कि मैं संसार की रीति से परे होकर विचरूँ।

6. भूतान्येतानि भूतात्मकमपि सकलं पक्षिमत्स्यान्मृगादीन् मर्त्यान्मित्राणि शत्रूनपि यमितमतिस्त्वन्मयान्यानमानि।
   त्वत्सेवायां हि सिध्येन्मम तव कृपया भक्तिदार्ढ्यं विरागस्त्वत्तत्त्वस्यावबोधोऽपि च भुवनपते यत्नभेदं विनैव॥

   Bhutanyetani bhutatmakamapi sakalam pakshimatsyanmrigadin martyanmitrani shatrunapi yamitamatistvanmayanyanamani, tvatsevayam hi sidhyenmama tava kripaya bhaktidardhyam viragastvattattvasyavabodhopi cha bhuvanapate yatnabhedam vinaiva.

   With a disciplined mind, may I bow to all beings and to everything made of the elements, birds, fish, animals, people, friends and even enemies, as full of you. For in serving you, by your grace, firm devotion, detachment and knowledge of your truth would come to me without any separate effort, O Lord of the world.

   संयमित मन से मैं इन सब प्राणियों को और पंचभूतों से बनी हर चीज़ को, पक्षियों, मछलियों, पशुओं, मनुष्यों, मित्रों और शत्रुओं को भी आपसे भरा मानकर प्रणाम करूँ। क्योंकि हे भुवनपति, आपकी सेवा में आपकी कृपा से अलग प्रयास के बिना ही मुझे दृढ़ भक्ति, वैराग्य और आपके तत्व का ज्ञान मिल जाएगा।

7. नो मुह्यन्क्षुत्तृडाद्यैर्भवसरणिभवैस्त्वन्निलीनाशयत्वाच्चिन्तासातत्यशाली निमिषलवमपि त्वत्पदादप्रकम्पः।
   इष्टानिष्टेषु तुष्टिव्यसनविरहितो मायिकत्वावबोधाज्ज्योत्स्नाभिस्त्वन्नखेन्दोरधिकशिशिरितेनात्मना सञ्चरेयम्॥

   No muhyankshuttridadyairbhavasaranibhavaistvannilinashayatvachchintasatatyashali nimishalavamapi tvatpadadaprakampah, ishtanishteshu tushtivyasanavirahito mayikatvavabodhajjyotsnabhistvannakhendoradhikashishiritenatmana sanchareyam.

   Not troubled by hunger, thirst and the other pains of worldly life, since my heart is absorbed in you, thinking of you without pause and never wavering from your feet even for an instant, free of elation and dismay at what is pleasant or unpleasant, knowing it all to be maya, may I move through life, my self cooled by the moonlight of your toenails.

   मन आपमें लीन होने से संसार के भूख-प्यास आदि कष्टों से मोहित न होकर, लगातार आपका चिंतन करते हुए, पल भर भी आपके चरणों से न डिगते हुए, सब कुछ माया जानकर प्रिय और अप्रिय में हर्ष और दुख से मुक्त होकर, आपके नख रूपी चंद्रमा की चाँदनी से शीतल हुए मन के साथ मैं विचरूँ।

8. भूतेष्वेषु त्वदैक्यस्मृतिसमधिगतौ नाधिकारोऽधुना चेत् त्वत्प्रेम त्वत्कमैत्री जडमतिषु कृपा द्विट्सु भूयादुपेक्षा।
   अर्चायां वा समर्चाकुतुकमुरुतरश्रद्धया वर्धतां मे त्वत्संसेवी तथापि द्रुतमुपलभते भक्तलोकोत्तमत्वम्॥

   Bhuteshveshu tvadaikyasmritisamadhigatau nadhikarodhuna chet tvatprema tvatkamaitri jadamatishu kripa dvitsu bhuyadupeksha, archayam va samarchakutukamurutarashraddhaya vardhatam me tvatsamsevi tathapi drutamupalabhate bhaktalokottamatvam.

   If I am not yet fit to see my oneness with you in all beings, then may I have love for you, friendship with your devotees, compassion for the ignorant and indifference toward those who hate. Or may my eagerness to worship your image grow with deep faith; even so, one who serves you soon becomes the best among devotees.

   यदि अभी मैं सब प्राणियों में आपकी एकता देखने योग्य नहीं हूँ, तो मुझमें आपके प्रति प्रेम, आपके भक्तों से मित्रता, अज्ञानियों पर दया और द्वेष करने वालों के प्रति उदासीनता हो। या आपकी मूर्ति की पूजा का उत्साह गहरी श्रद्धा से बढ़ता रहे; ऐसे भी आपकी सेवा करने वाला जल्दी ही भक्तों में श्रेष्ठ हो जाता है।

9. आवृत्य त्वत्स्वरूपं क्षितिजलमरुदाद्यात्मना विक्षिपन्ती जीवान्भूयिष्ठकर्मावलिविवशगतीन् दुःखजाले क्षिपन्ती।
   त्वन्माया माभिभून्मामयि भुवनपते कल्पते तत्प्रशान्त्यै त्वत्पादे भक्तिरेवेत्यवददयि विभो सिद्धयोगी प्रबुद्धः॥

   Avritya tvatsvarupam kshitijalamarudadyatmana vikshipanti jivanbhuyishthakarmavalivivashagatin duhkhajale kshipanti, tvanmaya mabhibhunmamayi bhuvanapate kalpate tatprashantyai tvatpade bhaktirevetyavadadayi vibho siddhayogi prabuddhah.

   Covering your true nature, scattering itself as earth, water, air and the rest, and casting souls, driven by countless deeds, into a net of sorrow: may your maya not overpower me, O Lord of the world. Only devotion to your feet can bring it to rest. So said the awakened, perfected yogi Prabuddha, O Lord.

   आपके स्वरूप को ढककर, पृथ्वी, जल, वायु आदि रूपों में फैलकर और बहुत से कर्मों से विवश जीवों को दुख के जाल में डालने वाली आपकी माया मुझ पर हावी न हो, हे भुवनपति। उसे शांत करने में केवल आपके चरणों की भक्ति ही समर्थ है। हे विभु, ऐसा सिद्ध योगी प्रबुद्ध ने कहा।

10. दुःखान्यालोक्य जन्तुष्वलमुदितविवेकोऽहमाचार्यवर्याल्लब्ध्वा त्वद्रूपतत्त्वं गुणचरितकथाद्युद्भवद्भक्तिभूमा।
    मायामेनां तरित्वा परमसुखमये त्वत्पदे मोदिताहे तस्यायं पूर्वरङ्गः पवनपुरपते नाशयाशेषरोगान्॥

    Duhkhanyalokya jantushvalamuditavivekohamacharyavaryallabdhva tvadrupatattvam gunacharitakathadyudbhavadbhaktibhuma, mayamenam taritva paramasukhamaye tvatpade moditahe tasyayam purvarangah pavanapurapate nashayashesharogan.

    Seeing the sufferings of beings, my discernment fully awake, may I learn the truth of your form from a great teacher, and with devotion swelling from the stories of your qualities and deeds, cross this maya and rejoice at your feet, full of supreme bliss. This is the prelude to that; O Lord of Guruvayur, destroy all my illnesses.

    प्राणियों के दुख देखकर पूरी तरह जागे विवेक के साथ मैं श्रेष्ठ गुरु से आपके रूप का तत्व जानूँ, और आपके गुणों और चरित्र की कथाओं से बढ़ी भक्ति के साथ इस माया को पार करके परम सुखमय आपके चरणों में आनंद मनाऊँ। यह उसकी भूमिका है; हे गुरुवायुर के स्वामी, मेरे सब रोग नष्ट कीजिए।