Narayaneeyam: Dashakam 98
नारायणीयम् · दशक 98
-
यस्मिन्नेतद्विभातं यत इदमभवद्येन चेदं य एतद्योऽस्मादुत्तीर्णरूपः खलु सकलमिदं भासितं यस्य भासा।
यो वाचां दूरदूरे पुनरपि मनसां यस्य देवा मुनीन्द्रा नो विद्युस्तत्त्वरूपं किमु पुनरपरे कृष्ण तस्मै नमस्ते॥Yasminnetadvibhatam yata idamabhavadyena chedam ya etadyosmaduttirnarupah khalu sakalamidam bhasitam yasya bhasa, yo vacham duradure punarapi manasam yasya deva munindra no vidyustattvarupam kimu punarapare krishna tasmai namaste.
In whom all this shines, from whom it came, by whom it exists, who is all this and yet beyond it, by whose light everything is lit; who is far beyond words and beyond the mind, whose true nature even gods and great sages do not know, let alone others: Krishna, to you I bow.
जिनमें यह सब चमकता है, जिनसे यह उत्पन्न हुआ, जिनसे यह टिका है, जो यह सब हैं और फिर भी इससे परे हैं, जिनके प्रकाश से सब कुछ प्रकाशित है; जो वाणी और मन से बहुत दूर हैं, जिनके तत्त्व को देवता और बड़े मुनि भी नहीं जानते, तो दूसरों की क्या बात: हे कृष्ण, आपको नमस्कार।
-
जन्माथो कर्म नाम स्फुटमिह गुणदोषादिकं वा न यस्मिन् लोकानामूतये यः स्वयमनुभजते तानि मायानुसारी।
बिभ्रच्छक्तीररूपोऽपि च बहुतररूपोऽवभात्यद्भुतात्मा तस्मै कैवल्यधाम्ने पररसपरिपूर्णाय विष्णो नमस्ते॥Janmatho karma nama sphutamiha gunadoshadikam va na yasmin lokanamutaye yah svayamanubhajate tani mayanusari, bibhrachchhaktirarupopi cha bahutararupovabhatyadbhutatma tasmai kaivalyadhamne pararasaparipurnaya vishno namaste.
In you there is truly no birth, action, name, virtue or fault; yet for the good of the worlds you take these on yourself through maya. Formless, yet holding all powers, you appear in many forms, wondrous one. Vishnu, abode of liberation, full of supreme bliss, to you I bow.
आपमें सचमुच न जन्म है, न कर्म, न नाम, न गुण-दोष; फिर भी लोकों के कल्याण के लिए आप माया के सहारे इन्हें स्वयं धारण करते हैं। निराकार होकर भी शक्तियों को धारण करते हुए आप अनेक रूपों में प्रकट होते हैं, हे अद्भुत। हे विष्णु, मोक्ष के धाम, परम आनंद से पूर्ण, आपको नमस्कार।
-
नो तिर्यञ्चन्न मर्त्यं न च सुरमसुरं न स्त्रियं नो पुमांसं न द्रव्यं कर्म जातिं गुणमपि सदसद्वापि ते रूपमाहुः।
शिष्टं यत्स्यान्निषेधे सति निगमशतैर्लक्षणावृत्तितस्तत् कृच्छ्रेणावेद्यमानं परमसुखमयं भाति तस्मै नमस्ते॥No tiryanchanna martyam na cha suramasuram na striyam no pumamsam na dravyam karma jatim gunamapi sadasadvapi te rupamahuh, shishtam yatsyannishedhe sati nigamashatairlakshanavrittitastat krichchhrenavedyamanam paramasukhamayam bhati tasmai namaste.
Your form, they say, is neither animal nor human, god nor demon, female nor male; not substance, action, class or quality, not being or non-being. What remains when a hundred Vedas have denied all this, grasped only by hint and with difficulty, shines as supreme bliss: to you I bow.
कहते हैं आपका रूप न पशु है, न मनुष्य, न देवता, न असुर, न स्त्री, न पुरुष; न द्रव्य, न कर्म, न जाति, न गुण, न सत् न असत्। सैकड़ों वेदों द्वारा यह सब नकार देने पर जो बचता है, जो केवल संकेत से और कठिनाई से जाना जाता है, वह परम आनंद के रूप में चमकता है: आपको नमस्कार।
-
मायायां बिम्बितस्त्वं सृजसि महदहङ्कारतन्मात्रभेदैर्भूतग्रामेन्द्रियाद्यैरपि सकलजगत्स्वप्नसङ्कल्पकल्पम्।
भूयः संहृत्य सर्वं कमठ इव पदान्यात्मना कालशक्त्या गम्भीरे जायमाने तमसि वितिमिरो भासि तस्मै नमस्ते॥Mayayam bimbitastvam srijasi mahadahankaratanmatrabhedairbhutagramendriyadyairapi sakalajagatsvapnasankalpakalpam, bhuyah samhritya sarvam kamatha iva padanyatmana kalashaktya gambhire jayamane tamasi vitimiro bhasi tasmai namaste.
Reflected in maya, you create the whole world, like a dream or a fancy, through the cosmic intellect, the ego, the subtle elements, the elements and the senses. Then by the power of time you draw it all back into yourself, like a tortoise drawing in its limbs, and when deep darkness falls you alone shine, untouched by it: to you I bow.
माया में प्रतिबिम्बित होकर आप महत्, अहंकार, तन्मात्राओं, भूतों और इन्द्रियों से सपने या कल्पना जैसे इस सारे जगत को रचते हैं। फिर काल की शक्ति से, जैसे कछुआ अपने अंग समेट लेता है, सब कुछ अपने में समेटकर घोर अँधेरा छा जाने पर भी आप अँधेरे से अछूते चमकते रहते हैं: आपको नमस्कार।
-
शब्दब्रह्मेति कर्मेत्यणुरिति भगवन् काल इत्यालपन्ति त्वामेकं विश्वहेतुं सकलमयतया सर्वथा कल्प्यमानम्।
वेदान्तैर्यत्तु गीतं पुरुषपरचिदात्माभिधं तत्तु तत्त्वं प्रेक्षामात्रेण मूलप्रकृतिविकृतिकृत्कृष्ण तस्मै नमस्ते॥Shabdabrahmeti karmetyanuriti bhagavan kala ityalapanti tvamekam vishvahetum sakalamayataya sarvatha kalpyamanam, vedantairyattu gitam purushaparachidatmabhidham tattu tattvam prekshamatrena mulaprakritivikritikritkrishna tasmai namaste.
Some call you, the one cause of the universe, the sacred Word, some karma, some the atom, some time, Lord; since you are everything, you are imagined in every way. But the truth Vedanta sings of as the Purusha, the supreme conscious Self, who by a mere glance sets primal nature and its changes in motion: Krishna, to you I bow.
हे भगवन्, विश्व के एकमात्र कारण आपको कोई शब्दब्रह्म कहता है, कोई कर्म, कोई परमाणु, तो कोई काल; सब कुछ आप ही होने से आपकी हर तरह से कल्पना की जाती है। पर वेदान्त जिसे पुरुष, परम चेतन आत्मा कहकर गाता है, जो केवल दृष्टि से मूल प्रकृति और उसके विकारों को रचता है, हे कृष्ण, उन आपको नमस्कार।
-
सत्त्वेनासत्तया वा न च खलु सदसत्त्वेन निर्वाच्यरूपा धत्ते यासावविद्या गुणफणिमतिवद्विश्वदृश्यावभासम्।
विद्यात्वं सैव याता श्रुतिवचनलवैर्यत्कृपास्यन्दलाभे संसारारण्यसद्यस्त्रुटनपरशुतामेति तस्मै नमस्ते॥Sattvenasattaya va na cha khalu sadasattvena nirvachyarupa dhatte yasavavidya gunaphanimativadvishvadrishyavabhasam, vidyatvam saiva yata shrutivachanalavairyatkripasyandalabhe samsararanyasadyastrutanaparashutameti tasmai namaste.
Ignorance, whose nature can’t be called real, unreal or both, makes the world appear, like a rope taken for a snake. When your grace flows, that same ignorance, through a few words of scripture, turns into knowledge and becomes an axe that at once cuts down the forest of worldly life: to you I bow.
जिस अविद्या का रूप न सत् कहा जा सकता है, न असत्, न दोनों, वह रस्सी में साँप के भ्रम की तरह जगत का आभास दिखाती है। आपकी कृपा बहने पर वही अविद्या श्रुति के थोड़े से वचनों से विद्या बन जाती है और संसार-रूपी जंगल को तुरंत काटने वाली कुल्हाड़ी बन जाती है: आपको नमस्कार।
-
भूषासु स्वर्णवद्वा जगति घटशरावादिके मृत्तिकावत् तत्त्वे सञ्चिन्त्यमाने स्फुरति तदधुनाप्यद्वितीयं वपुस्ते।
स्वप्नद्रष्टुः प्रबोधे तिमिरलयविधौ जीर्णरज्जोश्च यद्वद्विद्यालाभे तथैव स्फुटमपि विकसेत्कृष्ण तस्मै नमस्ते॥Bhushasu svarnavadva jagati ghatasharavadike mrittikavat tattve sanchintyamane sphurati tadadhunapyadvitiyam vapuste, svapnadrashtuh prabodhe timiralayavidhau jirnarajjoshcha yadvadvidyalabhe tathaiva sphutamapi vikasetkrishna tasmai namaste.
Like gold in ornaments, or clay in pots and plates, your one form without a second shines even now when we reflect on the truth. As the dreamer wakes, or the old rope is seen when darkness lifts, so with knowledge it clearly comes to light: Krishna, to you I bow.
जैसे गहनों में सोना, या घड़े और सकोरे में मिट्टी, वैसे ही सत्य पर विचार करने पर आपका अद्वितीय रूप अभी भी चमकता है। जैसे सपना देखने वाला जागता है, या अँधेरा मिटने पर पुरानी रस्सी दिखती है, वैसे ही ज्ञान मिलने पर वह साफ़ प्रकट होता है: हे कृष्ण, आपको नमस्कार।
-
यद्भीत्योदेति सूर्यो दहति च दहनो वाति वायुस्तथान्ये यद्भीताः पद्मजाद्याः पुनरुचितबलीनाहरन्तेऽनुकालम्।
येनैवारोपिताः प्राङ्निजपदमपि ते च्यावितारश्च पश्चात् तस्मै विश्वं नियन्त्रे वयमपि भवते कृष्ण कुर्मः प्रणामम्॥Yadbhityodeti suryo dahati cha dahano vati vayustathanye yadbhitah padmajadyah punaruchitabalinaharantenukalam, yenaivaropitah prannijapadamapi te chyavitarashcha pashchat tasmai vishvam niyantre vayamapi bhavate krishna kurmah pranamam.
In awe of you the sun rises, fire burns, the wind blows, and so do the others; in awe of you Brahma and the gods bring their due offerings in season. You first raised them to their places and later remove them. Krishna, controller of the universe, we too bow to you.
जिनके भय से सूर्य उगता है, अग्नि जलती है, वायु बहती है, और दूसरे भी अपना काम करते हैं; जिनके भय से ब्रह्मा आदि समय पर उचित भेंट लाते हैं; जिन्होंने पहले उन्हें उनके पद पर बिठाया और बाद में हटाते हैं: हे कृष्ण, विश्व के नियंता, हम भी आपको प्रणाम करते हैं।
-
त्रैलोक्यं भावयन्तं त्रिगुणमयमिदं त्र्यक्षरस्यैकवाच्यं त्रीशानामैक्यरूपं त्रिभिरपि निगमैर्गीयमानस्वरूपम्।
तिस्रोऽवस्था विदन्तं त्रियुगजनिजुषं त्रिक्रमाक्रान्तविश्वं त्रैकाल्ये भेदहीनं त्रिभिरहमनिशं योगभेदैर्भजे त्वाम्॥Trailokyam bhavayantam trigunamayamidam tryaksharasyaikavachyam trishanamaikyarupam tribhirapi nigamairgiyamanasvarupam, tisrovastha vidantam triyugajanijusham trikramakrantavishvam traikalye bhedahinam tribhirahamanisham yogabhedairbhaje tvam.
Day and night I worship you by the three paths of yoga: you who sustain the three worlds made of the three qualities; the one meaning of Om’s three sounds; the oneness of the three gods; whose nature the three Vedas sing; who know the three states; who are born in three ages; who covered the universe in three strides; who are undivided across past, present and future.
मैं योग के तीनों मार्गों से दिन-रात आपको भजता हूँ: जो त्रिगुणमय तीनों लोकों को धारण करते हैं; ॐ के तीन अक्षरों के एकमात्र अर्थ हैं; तीनों देवों की एकता के रूप हैं; जिनका स्वरूप तीनों वेद गाते हैं; जो तीनों अवस्थाओं को जानते हैं; तीन युगों में जन्म लेते हैं; तीन पगों में विश्व नापा; और तीनों कालों में भेदरहित हैं।
-
सत्यं शुद्धं विबुद्धं जयति तव वपुर्नित्यमुक्तं निरीहं निर्द्वन्द्वं निर्विकारं निखिलगुणगणव्यञ्जनाधारभूतम्।
निर्मूलं निर्मलं तन्निरवधिमहिमोल्लासि निर्लीनमन्तर्निस्सङ्गानां मुनीनां निरुपमपरमानन्दसान्द्रप्रकाशम्॥Satyam shuddham vibuddham jayati tava vapurnityamuktam niriham nirdvandvam nirvikaram nikhilagunaganavyanjanadharabhutam, nirmulam nirmalam tanniravadhimahimollasi nirlinamantarnissanganam muninam nirupamaparamanandasandraprakasham.
Victory to your form: true, pure, fully awake, eternally free, without desire, beyond opposites, changeless, the ground on which all qualities appear; without root, without stain, shining with boundless glory, hidden in the hearts of detached sages, a dense light of matchless supreme bliss.
आपके स्वरूप की जय हो: जो सत्य, शुद्ध, पूर्ण जाग्रत, नित्य मुक्त, इच्छारहित, द्वन्द्वों से परे, विकाररहित और सब गुणों के प्रकट होने का आधार है; जो मूलरहित, निर्मल, अपार महिमा से चमकता है, अनासक्त मुनियों के हृदय में छिपा है, और अनुपम परम आनंद का घना प्रकाश है।
-
दुर्वारं द्वादशारं त्रिशतपरिमिलत्षष्टिपर्वाभिवीतं सम्भ्राम्यत्क्रूरवेगं क्षणमनु जगदाच्छिद्य सन्धावमानम्।
चक्रं ते कालरूपं व्यथयतु न तु मां त्वत्पदैकावलम्बं विष्णो कारुण्यसिन्धो पवनपुरपते पाहि सर्वामयौघात्॥Durvaram dvadasharam trishataparimilatshashtiparvabhivitam sambhramyatkruravegam kshanamanu jagadachchhidya sandhavamanam, chakram te kalarupam vyathayatu na tu mam tvatpadaikavalambam vishno karunyasindho pavanapurapate pahi sarvamayaughat.
Your wheel of time, unstoppable, with twelve spokes and three hundred and sixty joints, whirling with fierce speed and rushing on, cutting through the world moment by moment, let it not trouble me, who hold on to your feet alone. Vishnu, ocean of compassion, Lord of Guruvayur, protect me from every illness.
आपका कालरूपी चक्र, जिसे कोई रोक नहीं सकता, जिसमें बारह अरे और तीन सौ साठ जोड़ हैं, जो भयंकर वेग से घूमता हुआ पल-पल जगत को काटता दौड़ रहा है, वह मुझे पीड़ा न दे, क्योंकि मेरा सहारा केवल आपके चरण हैं। हे विष्णु, करुणासागर, गुरुवायुर के स्वामी, सब रोगों से मेरी रक्षा करो।