Narayaneeyam: Dashakam 99

नारायणीयम् · दशक 99

Stotra · Sanskrit · Krishna · by Melpathur Narayana Bhattathiri

1. विष्णोर्वीर्याणि को वा कथयतु धरणेः कश्च रेणून्मिमीते यस्यैवाङ्घ्रित्रयेण त्रिजगदभिमितं मोदते पूर्णसम्पत्।
   योऽसौ विश्वानि धत्ते प्रियमिह परमं धाम तस्याभियायां तद्भक्ता यत्र माद्यन्त्यमृतरसमरन्दस्य यत्र प्रवाहः॥

   Vishnorviryani ko va kathayatu dharaneh kashcha renunmimite yasyaivanghritrayena trijagadabhimitam modate purnasampat, yosau vishvani dhatte priyamiha paramam dhama tasyabhiyayam tadbhakta yatra madyantyamritarasamarandasya yatra pravahah.

   Who can tell the mighty deeds of Vishnu, or count the specks of dust on the earth? His three steps measured the three worlds, which rejoice in full abundance. He upholds all the worlds; may I reach his dear, supreme abode, where his devotees rejoice and the honeyed stream of nectar flows.

   विष्णु के पराक्रमों का वर्णन कौन कर सकता है, और धरती के धूलकणों को कौन गिन सकता है? उनके तीन पगों से नापे गए तीनों लोक पूर्ण संपदा से आनंदित हैं। वे सारे लोकों को धारण करते हैं; मैं उनके उस प्रिय परम धाम को पाऊँ, जहाँ उनके भक्त आनंद में डूबे रहते हैं और अमृत के मधु की धारा बहती है।

2. आद्यायाशेषकर्त्रे प्रतिनिमिषनवीनाय भर्त्रे विभूतेर्भक्तात्मा विष्णवे यः प्रदिशति हविरादीनि यज्ञार्चनादौ।
   कृष्णाद्यं जन्म यो वा महदिह महतो वर्णयेत्सोऽयमेव प्रीतः पूर्णो यशोभिस्त्वरितमभिसरेत्प्राप्यमन्ते पदं ते॥

   Adyayasheshakartre pratinimishanavinaya bhartre vibhuterbhaktatma vishnave yah pradishati haviradini yajnarchanadau, krishnadyam janma yo va mahadiha mahato varnayetsoyameva pritah purno yashobhistvaritamabhisaretprapyamante padam te.

   Whoever, with a devoted heart, offers oblations in worship to Vishnu, the first, maker of all, new at every moment, upholder of all glory; or whoever tells of the great births of the great one, such as Krishna: that person, content and rich in fame, quickly reaches your abode, the final goal.

   जो भक्त हृदय से यज्ञ और पूजा में आदि, सबके कर्ता, हर क्षण नए, वैभव के स्वामी विष्णु को हवि आदि अर्पित करता है, या जो उन महान के कृष्ण आदि महान जन्मों का वर्णन करता है, वह प्रसन्न और यश से पूर्ण होकर जल्दी आपके परम पद को पा लेता है।

3. हे स्तोतारः कवीन्द्रास्तमिह खलु यथा चेतयध्वे तथैव व्यक्तं वेदस्य सारं प्रणुवत जननोपात्तलीलाकथाभिः।
   जानन्तश्चास्य नामान्यखिलसुखकराणीति सङ्कीर्तयध्वं हे विष्णो कीर्तनाद्यैस्तव खलु महतस्तत्त्वबोधं भजेयम्॥

   He stotarah kavindrastamiha khalu yatha chetayadhve tathaiva vyaktam vedasya saram pranuvata jananopattalilakathabhih, janantashchasya namanyakhilasukhakaraniti sankirtayadhvam he vishno kirtanadyaistava khalu mahatastattvabodham bhajeyam.

   O singers and great poets, praise him as you know him, the clear essence of the Vedas, through the stories of his playful births; and knowing that his names bring every joy, chant them. O Vishnu, through chanting your names, may I come to know the truth of you, the great one.

   हे स्तुति करने वाले श्रेष्ठ कवियो, जैसे तुम उन्हें जानते हो, वैसे ही उनके अवतारों की लीला कथाओं से वेदों के स्पष्ट सार उन प्रभु की स्तुति करो; और यह जानकर कि उनके नाम सब सुख देने वाले हैं, उनका कीर्तन करो। हे विष्णु, कीर्तन आदि से मैं आप महान के तत्त्व को जान सकूँ।

4. विष्णोः कर्माणि सम्पश्यत मनसि सदा यैः स धर्मानबध्नाद्यानीन्द्रस्यैष भृत्यः प्रियसख इव च व्यातनोत्क्षेमकारी।
   वीक्षन्ते योगसिद्धाः परपदमनिशं यस्य सम्यक्प्रकाशं विप्रेन्द्रा जागरूकाः कृतबहुनुतयो यच्च निर्भासयन्ते॥

   Vishnoh karmani sampashyata manasi sada yaih sa dharmanabadhnadyanindrasyaisha bhrityah priyasakha iva cha vyatanotkshemakari, vikshante yogasiddhah parapadamanisham yasya samyakprakasham viprendra jagarukah kritabahunutayo yachcha nirbhasayante.

   Always see in your mind the deeds of Vishnu, by which he established dharma, and the good he did for Indra as his helper and dear friend. Perfected yogis see his supreme abode shining always and fully, and the watchful sages, after many hymns of praise, make it known.

   विष्णु के उन कर्मों को सदा मन में देखो, जिनसे उन्होंने धर्मों की स्थापना की, और जो उन्होंने इंद्र के सेवक और प्रिय मित्र की तरह कल्याण के लिए किए। योग सिद्ध लोग उनके परम पद को सदा पूर्ण प्रकाश में देखते हैं, और जागरूक श्रेष्ठ ब्राह्मण अनेक स्तुतियाँ करके उसे प्रकाशित करते हैं।

5. नो जातो जायमानोऽपि च समधिगतस्त्वन्महिम्नोऽवसानं देव श्रेयांसि विद्वान्प्रतिमुहुरपि ते नाम शंसामि विष्णो।
   तं त्वां संस्तौमि नानाविधनुतिवचनैरस्य लोकत्रयस्याप्यूर्ध्वं विभ्राजमाने विरचितवसतिं तत्र वैकुण्ठलोके॥

   No jato jayamanopi cha samadhigatastvanmahimnovasanam deva shreyamsi vidvanpratimuhurapi te nama shamsami vishno, tam tvam samstaumi nanavidhanutivachanairasya lokatrayasyapyurdhvam vibhrajamane virachitavasatim tatra vaikunthaloke.

   No one born, or yet to be born, has reached the end of your greatness. O God, knowing it is for my highest good, I repeat your name again and again, Vishnu, and praise you with many hymns, you who dwell in Vaikuntha, shining above the three worlds.

   न कोई जन्मा हुआ, न जन्म लेने वाला आपकी महिमा का अंत पा सका है। हे देव, इसे अपना परम कल्याण जानकर मैं बार-बार आपका नाम लेता हूँ, हे विष्णु, और तीनों लोकों के ऊपर चमकते वैकुंठ में निवास करने वाले आपकी अनेक स्तुतियों से प्रशंसा करता हूँ।

6. आपः सृष्ट्यादिजन्याः प्रथममयि विभो गर्भदेशे दधुस्त्वां यत्र त्वय्येव जीवा जलशयन हरे सङ्गता ऐक्यमापन्।
   तस्याजस्य प्रभो ते विनिहितमभवत्पद्ममेकं हि नाभौ दिक्पत्रं यत्किलाहुः कनकधरणिभृत् कर्णिकं लोकरूपम्॥

   Apah srishtyadijanyah prathamamayi vibho garbhadeshe dadhustvam yatra tvayyeva jiva jalashayana hare sangata aikyamapan, tasyajasya prabho te vinihitamabhavatpadmamekam hi nabhau dikpatram yatkilahuh kanakadharanibhrit karnikam lokarupam.

   Lord, the waters born at the start of creation first held you in their womb, where all beings united and became one in you, O Hari who rests on the waters. From the navel of you, the unborn, rose a single lotus, its petals the directions and its centre the golden mountain Meru, the very form of the worlds.

   हे प्रभु, सृष्टि के आरंभ में उत्पन्न जल ने सबसे पहले आपको अपने गर्भ में धारण किया, जहाँ हे जलशायी हरि, सब जीव आप में मिलकर एक हो गए। आप अजन्मा की नाभि में एक कमल प्रकट हुआ, जिसकी पंखुड़ियाँ दिशाएँ हैं और कर्णिका सोने का पर्वत मेरु, जो लोकों का ही रूप है।

7. हे लोका विष्णुरेतद्भुवनमजनयत्तन्न जानीथ यूयं युष्माकं ह्यन्तरस्थं किमपि तदपरं विद्यते विष्णुरूपम्।
   नीहारप्रख्यमायापरिवृतमनसो मोहिता नामरूपैः प्राणप्रीत्यैकतृप्ताश्चरथ मखपरा हन्त नेच्छा मुकुन्दे॥

   He loka vishnuretadbhuvanamajanayattanna janitha yuyam yushmakam hyantarastham kimapi tadaparam vidyate vishnurupam, niharaprakhyamayaparivritamanaso mohita namarupaih pranaprityaikatriptashcharatha makhapara hanta nechchha mukunde.

   O people, Vishnu created this world, but you do not know him; something other than you, the form of Vishnu, lives within you. Your minds wrapped in illusion like fog, dazzled by names and forms, content only to keep yourselves alive, busy with rituals, you wander; alas, you have no longing for Mukunda.

   हे लोगो, विष्णु ने यह संसार रचा, पर तुम उन्हें नहीं जानते; तुम्हारे भीतर ही कुछ और, विष्णु का रूप, विद्यमान है। कोहरे जैसी माया से ढके मन वाले, नाम-रूप से मोहित, केवल प्राणों की तृप्ति में संतुष्ट, कर्मकांड में लगे तुम भटकते हो; हाय, मुकुंद की कोई चाह नहीं।

8. मूर्ध्नामक्ष्णां पदानां वहसि खलु सहस्राणि सम्पूर्य विश्वं तत्प्रोत्क्रम्यापि तिष्ठन्परिमितविवरे भासि चित्तान्तरेऽपि।
   भूतं भव्यं च सर्वं परपुरुष भवान् किञ्च देहेन्द्रियादिष्वाविष्टोऽप्युद्गतत्वादमृतसुखरसं चानुभुङ्क्षे त्वमेव॥

   Murdhnamakshnam padanam vahasi khalu sahasrani sampurya vishvam tatprotkramyapi tishthanparimitavivare bhasi chittantarepi, bhutam bhavyam cha sarvam parapurusha bhavan kincha dehendriyadishvavishtopyudgatatvadamritasukharasam chanubhunkshe tvameva.

   You bear thousands of heads, eyes and feet, filling the universe and reaching beyond it, yet you shine within the small space of the heart. You are all that was and all that will be, O Supreme Person; and though you dwell in body and senses, being beyond them, you alone taste the nectar of immortal joy.

   आप हज़ारों सिर, आँखें और पैर धारण करते हैं, पूरे विश्व को भरकर उससे परे भी स्थित हैं, फिर भी हृदय के छोटे से स्थान में चमकते हैं। हे परम पुरुष, जो हो चुका और जो होगा, सब आप ही हैं; और शरीर व इंद्रियों में रहते हुए भी उनसे परे होने के कारण आप ही अमृत सुख का रस भोगते हैं।

9. यत्तु त्रैलोक्यरूपं दधदपि च ततो निर्गतानन्तशुद्धज्ञानात्मा वर्तसे त्वं तव खलु महिमा सोऽपि तावान्किमन्यत्।
   स्तोकस्ते भाग एवाखिलभुवनतया दृश्यते त्र्यंशकल्पं भूयिष्ठं सान्द्रमोदात्मकमुपरि ततो भाति तस्मै नमस्ते॥

   Yattu trailokyarupam dadhadapi cha tato nirgatanantashuddhajnanatma vartase tvam tava khalu mahima sopi tavankimanyat, stokaste bhaga evakhilabhuvanataya drishyate tryamshakalpam bhuyishtham sandramodatmakamupari tato bhati tasmai namaste.

   Though you take the form of the three worlds, you also exist beyond them as endless pure knowledge; such is your greatness, and more besides. Only a small part of you is seen as all the worlds; the far greater three parts, made of deep joy, shine beyond. Salutations to you.

   तीनों लोकों का रूप धारण करते हुए भी आप उनसे परे अनंत शुद्ध ज्ञान स्वरूप में स्थित हैं; यह आपकी महिमा है, और उससे भी अधिक। आपका केवल एक छोटा भाग ही सारे लोकों के रूप में दिखता है; घने आनंद से भरे शेष तीन भाग उनसे ऊपर प्रकाशित हैं। आपको नमस्कार है।

10. अव्यक्तं ते स्वरूपं दुरधिगमतमं तत्तु शुद्धैकसत्त्वं व्यक्तञ्चाप्येतदेव स्फुटममृतरसाम्भोधिकल्लोलतुल्यम्।
    सर्वोत्कृष्टामभीष्टां तदिह गुणरसेनैव चित्तं हरन्तीं मूर्तिं ते संश्रयेऽहं पवनपुरपते पाहि मां कृष्ण रोगात्॥

    Avyaktam te svarupam duradhigamatamam tattu shuddhaikasattvam vyaktanchapyetadeva sphutamamritarasambhodhikallolatulyam, sarvotkrishtamabhishtam tadiha gunarasenaiva chittam harantim murtim te samshrayeham pavanapurapate pahi mam krishna rogat.

    Your unmanifest form is the hardest of all to know; but this manifest form is also pure goodness, clearly like waves on an ocean of nectar. So I take refuge in your form, highest and dearest, which steals the heart with the sweetness of its virtues. O Lord of Guruvayur, Krishna, protect me from illness.

    आपका अव्यक्त स्वरूप जानना सबसे कठिन है; पर यह व्यक्त रूप भी शुद्ध सत्त्व है, साफ़ तौर पर अमृत के सागर की लहरों जैसा। इसलिए मैं आपके उस सर्वश्रेष्ठ और प्रिय रूप की शरण लेता हूँ, जो अपने गुणों के रस से मन हर लेता है। हे गुरुवायुर के स्वामी कृष्ण, मुझे रोग से बचाओ।